Leader Sporting Group компани “Leader Sport Super Store” шинэ спорт барааны дэлгүүрээ нээлээ
― Өргөн сонголт бүхий спорт барааг нэвтрүүлж, Монголын спортын соёл болон идэвхтэй амьдралын хэв маягийг түгээн дэлгэрүүлэхэд хувь нэмэр оруулж байна ―
2026 оны 8 дугаар сарын 20-ны өдөр Монгол-Японы Эдийн Засаг Нөхөрлөлийн Холбооны гишүүн байгууллага болох Leader Sporting Group компани нь спортын бараа бүтээгдэхүүний “Leader Sport Super Store” дэлгүүрээ шинээр нээлээ.
Тус дэлгүүрт сагсан бөмбөг, волейбол, гольф, бадминтон, усанд сэлэлт, ширээний теннис, софт теннис, пиклбол, холимог тулааны урлаг (MMA), фитнесс зэрэг спортын олон төрлийн бараа бүтээгдэхүүнийг өргөн сонголттойгоор худалдаалж байна.
“Leader Sport Super Store” нь төрөл бүрийн спортын төрлүүдэд зориулсан өргөн сонголттой бараа бүтээгдэхүүнийг нэг дор цогцлоосон бөгөөд, Монголын спорт сонирхогчдод өөрсдийн хичээллэдэг спортод шаардлагатай хувцас, хэрэгслийг сонгон авах шинэхэн боломжийг бүрдүүллээ.
Энэхүү дэлгүүр нээгдсэнээр Монгол Улсад спортоор хичээллэх боломж, сонголт улам өргөжиж, спортын олон төрлийг түгээн дэлгэрүүлэх, хөгжүүлэхэд бодитой хувь нэмэр оруулна гэдэгт итгэлтэй байна.
▪️Нээлтийн арга хэмжээнд Монгол Улсын шигшээ багийн тамирчид болон олон хүндэт зочид хүрэлцэн ирж оролцлоо
Нээлтийн арга хэмжээнд Монгол Улсын шигшээ багийн тамирчдын төлөөлөл болон олон хүндэт зочид хүрэлцэн ирж оролцлоо. Тус өдөр дэлгүүрийн гадна нээлтийн ёслол болон тууз хайчлах арга хэмжээг зохион байгуулж, шинэ дэлгүүрийн үйл ажиллагаа албан ёсоор эхэлж буйг өргөн дэлгэр тэмдэглэлээ.
Арга хэмжээний үеэр сагсан бөмбөг, гольф, ширээний теннис гэсэн гурван төрлөөр сонирхолтой мини тэмцээнүүд зохион байгуулагдлаа. Оролцогчид эдгээр спортын төрлүүдийг биечлэн туршиж, өөр хоорондоо танилцан, хөгжилтэй, дурсамж дүүрэн цагийг өнгөрүүлсэн юм. Тэмцээнүүдэд амжилттай оролцсон ялагчдад төрөл бүрийн бэлэг гардуулж, арга хэмжээ сонирхолтой, хөгжилтэй уур амьсгалд үргэлжиллээ.
Энэхүү арга хэмжээ нь шинэ дэлгүүрийн нээлтийг тэмдэглэхийн зэрэгцээ төрөл бүрийн спортын төрлийг олон нийтэд танилцуулж, биечлэн туршиж үзэх боломжийг олгосон юм.
▪️Сагсан бөмбөгөөс пиклбол, MMA хүртэлх төрөл бүрийн спортын хэрэгслийг нэг дороос
“Leader Sport Super Store” нь спортын олон төрөлд зориулсан өргөн сонголттой бараа, хэрэгслийг нэг дороос санал болгож байна.
Тус дэлгүүрт сагсан бөмбөг, волейбол, ширээний теннис, усанд сэлэлтээс гадна, гольф, бадминтон, софт теннис, пиклбол, MMA, фитнесс зэрэг Монгол Улсад худалдан авах боломж хязгаарлагдмал байдаг спортын төрлүүдийн тоног хэрэгслийг мөн худалдаалж байна.
Дэлгүүрт спортын төрөл тус бүрийн өргөн сонголттой бараа, бүтээгдэхүүнийг байршуулсан бөгөөд туршлагатай тамирчид, спорт сонирхогчдоос гадна шинээр спортоор хичээллэж эхлэх хүсэлтэй хүн бүр шаардлагатай хэрэгслээ нэг дороос сонгон авах боломжтой орчин бүрдсэн байна.
Спортын хэрэгсэл, тоног төхөөрөмжийн хүртээмж нэмэгдсэнээр өмнө нь төдийлөн танил бус байсан спортын төрлүүдийг сонирхон туршиж үзэх, шинэ спортоор хичээллэж эхлэх боломж бүрдэх юм.
“Leader Sport Super Store” нь олон төрлийн спорттой танилцах, шинэ сонирхол бий болгох орчныг бүрдүүлж, Монгол Улсад хичээллэж болох спортын төрлүүдийг нэмэгдүүлэхийн зэрэгцээ спортын соёлыг цаашид хөгжүүлэн дэлгэрүүлэхэд хувь нэмэр оруулах зорилготой билээ.
▪️ ”Эрүүл, идэвхтэй амьдралын хэв маягийг дэмжих түнш байхын төлөө”― Захирлын мэндчилгээ
Leader Sporting Group-ийн Тэргүүн шинэ дэлгүүрийн нээлтийг тохиолдуулан дараах мэндчилгээг хүргэлээ.
「Эрхэм үйлчлүүлэгчид, хамтран ажиллагч түншүүд болон найз нөхөд та бүхэндээ,
Бид өнөөдөр дижиталжилт болон технологийн хурдацтай хөгжлийн нөлөөгөөр дэлхий ертөнц өөрчлөгдөж буй цаг үед амьдарч байна. Үүнийг дагаад хүмүүсийн үнэт зүйл, амьдралын хэв маяг ч мөн тасралтгүй хувьсан өөрчлөгдөж байна.
Энэ бүх өөрчлөлтийн дунд эрүүл мэндээ эрхэмлэн, урт удаан, чанартай амьдрахыг зорих хандлага хүмүүсийн дунд улам бүр нэмэгдэж байна. Фитнесс, йог, бүжиг, гүйлт, алхалт зэрэг төрөл бүрийн дасгал хөдөлгөөнийг өдөр тутмын амьдралынхаа нэг хэсэг болгон хэвшүүлэх хүмүүсийн тоо ч жил ирэх тусам өссөөр байна.
Тиймээс бидний эрхэм зорилго бол зөвхөн спортын бараа бүтээгдэхүүнийг нийлүүлж, худалдаалахаар хязгаарлагдахгүй. Эрүүл, идэвхтэй амьдралын хэв маягийг дэмжихийн тулд сургалт, зөвлөгөө, сурталчилгаа зэрэг олон талт үйл ажиллагааг цаашид ч тогтмол хэрэгжүүлж, спортын ач холбогдлыг олон нийтэд таниулахыг зорин ажиллаж байна.
Мөн дэлхийн тэргүүлэгч спортын брэндүүдтэй хамтын ажиллагаагаа улам өргөжүүлж, байгаль орчинд ээлтэй, тогтвортой бизнесийн үйл ажиллагааг хөгжүүлэхэд анхаарч ажиллах болно.
Бид спортын бараа, бүтээгдэхүүний салбарыг манлайлан хөгжүүлэхийн зэрэгцээ хүн бүрийн эрүүл, идэвхтэй амьдралын хэв маягийг дэмждэг найдвартай түнш байхын төлөө цаашид ч хичээн ажиллах болно.”
▪️18 гаруй жилийн турш Монголын спортын бараа бүтээгдэхүүний салбарыг манлайлан ажиллаж байна
Leader Sporting Group нь 18 гаруй жилийн турш Монголын спортын бараа бүтээгдэхүүний жижиглэн худалдаа, нийлүүлэлтийн салбарт тэргүүлэх байр суурьтай ажиллаж ирсэн компани юм.
Тус компани нь 2008 оноос хойш БНХАУ-ын тэргүүлэгч спорт брэндүүдийн нэг болох “Li-Ning” брэндийн Монгол Улс дахь албан ёсны онцгой эрх бүхий дистрибьютерээр ажиллаж байна.
2008 онд Leader Sporting Mongolia LLC нэртэйгээр байгуулагдсан цагаасаа хойш үйл ажиллагааныхаа цар хүрээг тасралтгүй өргөжүүлж ирсэн бөгөөд өнөөдөр Leader Sporting Equipments LLC-ийн хамтаар нэгэн групп болон үйл ажиллагаа явуулж байна. Тус групп нь дэвшилтэт спортын технологи, инновац бүхий бүтээгдэхүүн, чанартай үйлчилгээг хэрэглэгчдэд хүргэхийг зорин ажиллаж байна.
Өдгөө Li-Ning болон бусад тэргүүлэгч брэндийн бүтээгдэхүүнийг Монгол Улсын томоохон худалдааны төвүүдээр дамжуулан хэрэглэгчдэд хүргэж байгаа бөгөөд Улаанбаатар хотод Улсын Их Дэлгүүр, Хүннү Молл, Гэрлүг Виста, King Tower, Дархан хотод АМУ Молл-д тус тус салбар дэлгүүрээ ажиллуулж байна.
▪️Монгол-Японы Эдийн Засаг Нөхөрлөлийн Холбооны дэмжлэгтэйгээр ASICS брэндтэй хамтын ажиллагааны хэлэлцээ үргэлжилж байна
Leader Sporting Group нь Монгол-Японы Эдийн Засгийн Нөхөрлөлийн Холбооны дэмжлэгтэйгээр Япон Улсын ASICS брэндтэй харилцаа, хамтын ажиллагаагаа эхлүүлсэн бөгөөд өдгөө тус брэндийн бүтээгдэхүүнийг Монгол Улсад албан ёсны эрхтэйгээр импортлон борлуулах чиглэлээр хэлэлцээг үргэлжлүүлэн хийж байна.
Эдгээр үйл ажиллагаагаар дамжуулан Монголын хэрэглэгчдэд дэлхийн тэргүүлэх спортын брэндүүдийн чанартай бүтээгдэхүүнийг илүү хүртээмжтэй хүргэхийг зорьж байна.
▪️Монгол Улсын спортын хөгжил дэвшилд хувь нэмэр оруулахын төлөө
Leader Sporting Group нь “Leader Sport Super Store” дэлгүүрийг нээснээр спортын төрөл бүрийн бараа, хэрэгслийг өргөн сонголттойгоор санал болгохын зэрэгцээ Монголын иргэдэд олон төрлийн спортоор хичээллэж, шинэ спортын төрлүүдтэй танилцах боломжийг нэмэгдүүлэхийг зорьж байна.
Мөн Монгол-Японы Эдийн Засаг Нөхөрлөлийн Холбооны дэмжлэгтэйгээр ASICS брэндтэй хамтран ажиллах хэлэлцээрийг үргэлжлүүлж байгаа бөгөөд цаашид олон улсын спортын брэндүүдтэй шинэ хамтын ажиллагаа бий болгох чиглэлээр идэвхтэй ажиллаж байна.
Эдгээр үйл ажиллагаа нь Монгол Улсад спортын бараа, хэрэгслийн хүртээмжийг нэмэгдүүлж, эрүүл, идэвхтэй амьдралын хэв маягийг түгээн дэлгэрүүлэхийн зэрэгцээ спортын хөгжилд хувь нэмэр оруулна гэдэгт итгэлтэй байна.
