“Ambassador Sakura Cup 2026” Япон-Монголын олон улсын солилцооны арга хэмжээ болох гольфийн тэмцээн Үцүномия хотод зохион байгуулагдлаа

–Япон дахь Монгол Улсын Элчин сайдын яамны дэмжлэгтэйгээр гурав дахь жилдээ зохион байгуулж буй тус тэмцээнд Япон, Монгол зэрэг нийт 4 орны 64 оролцогч оролцлоо–

2026 оны 04 дүгээр сарын 08-ны өдөр Япон улсын Точиги мужийн Үцүномия хот дахь Sunhills Сountry Club-д “Ambassador Sakura Cup 2026” гольфийн тэмцээн амжилттай зохион байгуулагдлаа.

Энэхүү тэмцээн нь Монгол Улсаас Япон Улсад суугаа Онц бөгөөд Бүрэн эрхт Элчин сайд Б.Баярсайхан эрхмийн нэрэмжит бөгөөд Монгол улсын иргэдийн санаачилга, Япон дахь Монгол Улсын Элчин сайдын яамны дэмжлэгтэйгээр зохион байгуулагддаг олон улсын солилцооны арга хэмжээ юм. Тус арга хэмжээ нь 2024 оноос хойш гурав дахь жилдээ зохион байгуулагдаж байна.

■ Олон улсын оролцогчид цугласан харилцаа, хамтын ажиллагааны талбар

Тус тэмцээнд Япон, Монгол, АНУ, Швейцар зэрэг 4 улсаас нийт 64 тамирчин оролцов. Олон улсын оролцогчид нэг дор цуглаж, спортын өрсөлдөөнөөр дамжуулан харилцаа холбоо тогтоох чухал боломж бүрдсэн, өргөн хүрээний оролцоотойгоор амжилттай зохион байгуулагдлаа.

Тэмцээний үр дүн:

•         Тэргүүн байр : Б. Мягмарсүрэн тамирчин (78 оноо)
•         2-р байр : Н.Цогтоо тамирчин (82 оноо)
•         3-р байр : Н.Баттулга, Г.Тамир тамирчин (82 оноо)

Шагналт байранд шалгарсан тамирчдад Элчин сайдын нэрэмжит цом болон мөнгөн шагнал гардууллаа.

■  Манай холбоо 3-р байрны ивээн тэтгэгчээр оролцов (2 дахь жилдээ)

Тус тэмцээн нь олон байгууллагын дэмжлэгтэйгээр зохион байгуулагдсан бөгөөд дараах байгууллагууд ивээн тэтгэгчээр оролцлоо:

•         Тэргүүн байрны ивээн тэтгэгч: Аэро Монголиа
•         2-р байрны ивээн тэтгэгч: UB Group (Захирал: Ц.Батбаатар)
•         3-р байрны ивээн тэтгэгч:  Монгол – Японы Эдийн Засаг Нөхөрлөлийн Холбоо (ТУЗ-ийн гишүүн: Маэда Оч)

Манай холбоо 2 дахь жилдээ ивээн тэтгэгчээр оролцож, энэ жил мөн 3-р байрны ивээн тэтгэгчийн үүргийг гүйцэтгэлээ.

■ Монголын гольфийн холбооны ерөнхийлөгч Япон улсад хүрэлцэн ирж, цаашдын хөгжилд ихээхэн найдвар төрүүлэв

Тус арга хэмжээнд Монголын гольфийн холбооны ерөнхийлөгч Д.Ганболд хүрэлцэн ирж оролцсон бөгөөд тэмцээнийг тогтмол зохион байгуулж буйг өндрөөр үнэлж, цаашид уг тэмцээнийг албан ёсны хуваарьт оруулах, оролцогчдын хүрээг тэлэх талаар санал дэвшүүлэв.

■ Олон улсын солилцоонд тулгуурлан эдийн засгийн хамтын ажиллагааг өргөжүүлэх

Энэхүү арга хэмжээ нь гадаад дахь Монголчуудын олон улс дахь харилцаа холбоог дэмжих зорилготой бөгөөд Монгол Улсын Гадаад харилцааны яамны “Дэлхийн Монголчуудын наадам” бодлогын хүрээнд хэрэгжиж байна.

Спортоор дамжуулсан харилцаа нь цаашид бизнесийн боломжуудыг бий болгох, эдийн засгийн хамтын ажиллагааг гүнзгийрүүлэх чухал суурь болж байгаагаараа онцлог юм.

Манай холбоо цаашид ч ийм төрлийн олон улсын арга хэмжээнд идэвхтэй оролцож, Япон – Монгол хоёр улсын эдийн засгийн бодит хамтын ажиллагааг хөгжүүлэхэд хувь нэмрээ оруулан ажиллах болно.